កែប៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានបង្ហោះសារលើChannel Telegram សម្តេចសួរទៅអភិបាលកែបលើករណីបង់ប្រាក់មុនធ្វើដំណើរចូលឆ្នេរសមុទ្រកែប។
តាមរយៈការបង្ហោះសារក្នុងChannel Telegram សម្តេចតេជោ នៅព្រឹកថ្ងៃទី ១៥ ខែមេសា ឆ្នាំ២០២៣នេះថា៖ «តើរឿងនេះជាការពិតទេឯកឧត្តមអភិបាលខេត្តកែប?»។
គួរឱ្យដឹងដែរថា គណនីបណ្តាញសង្គមឈ្មោះ Samnang Nov បានបង្ហោះសារអមនឹងរូបភាពថា៖ «(ទីក្រុងកែប)គិតថាមិនចង់ទៅលេងកំពង់សោម ក៏ប្ដូរមកលេងកំពត ហើយក៏ឆ្លៀតពេលហួសមកលេងកែបមួយជុំ តែបែរជាត្រូវមកខកចិត្តនិងរឿងនេះ ស្រុកគេបន់អោយតែគេនាំគ្នាមកលេងអោយច្រើនតែខេត្តនេះប្លែកខុសគេ គ្រាន់តែចូលដល់ត្រូវចំណាយលុយបាត់ទៅហើយ(ជិះកាត់មិនឈប់ក៏ត្រូវបងលុយដែរ) រឿងនេះយ៉ាងមេចវិញលោកអ្នកគ្រប់គ្រងខេត្ត ជួយមើលផង តិចទៀតអស់ភ្ញៀវមកលេងខេត្តលោកទៀតតើលោកបានអ្វីអួតគេ? មានរបស់ល្អហើយមិនផ្សព្វផ្សាយបែជា មកយកលុយទាំងអស់បែបនេះ។ (សួរទៅថាយកថ្លៃអនាម័យ តែកុំមើលក្រុង)»៕